من كام يوم كنت فى أسكندرية بزور خالتى واعت معاهم كام يوم وكان من الطبيعى انهم ينزلو علشان يجيبو عيش كالعادة وأنا عادى مكنتش فهمة حاجة حتنزل تجيب عيش وتيجى يعنى بالكتير ربع ساعة دة لو فى زحمة ودة كان تصورى انا علشان نزلة بدرى جدا وطلبت منى أروح معاها قولتلها ماشى خالتى رفضت وقالت خليها تسلينى المهم مطولش عليكم نزلت من الساعة 7 الصبح ومرت ساعات وساعات ولسة مجتش ومكنش باين على خالتى اى اثار للقلق وبعد مجت الساعة 12 الظهر الحمد للة بدئت تقلق لبسنا ونزلنا نشوفها وشفت المنظر فظيع اية دة وهى وقفة فى الاخر خالص والجو حر وهى صيمة اطمنة عليها ومشينا وقلت انا جية وراكو على طول روحنا وجت هى الساعة 2 الظهرة الحمد للة حمدعلى السلامة كفارة واعدنا نئلس عليها ....... وأختى فى الله كانت كتبة شعر صغير ايام ازمة العيش اللى فاتت .
وبحارب من أجل رغيف
لوحتى مش شكلة نضيف
ومدور كدة أد الاورصة
ومعلن عندة مزاد ف البورصة
وأبو كارتة ماشى برغيفة
ولا عنتر كدة شايل سيفة
طوابير الفرن ومواويلة
عفاريت وبتطلع تناديلة
لو سوسة ودودة واية يعنى
ما هو حتى الارمشة تنفعنى
وفرخنا بتاكل ويانا
ولا تعلم بالخيبة حدانا
لو يصحى ضميرنا يخلينا
نتهنا ونعيش ليالينا
د. ياسمين رأفت
Hi5 Falling Stars
هناك 19 تعليقًا:
السلام عليكم يا دكتورة
ربنا يارب يزيح عنا الغمة وعن بلدنا مصر
وفعلاالحال بقى غاية فى الصعوبة
والشعر اللى مكتوب بجد روعة تسلم الايادى
دمتى لنا بخير وسنة جديدة عليكى سعيدة ويلا سلام
السلام عليكم يا دكتورة ..
فكرتيني بالذي مضى ..
هنا في مدينتي -على أرض مصرية برضه :) - كنت لما أروح جيب عيش بعد الفجر كنت لازم اتأخر ساعة على طول ..
و طبعا العيش كان بيطلع مولع لازم تحطه على إيدك يحرقها بقى ما يحرقهاش .. مش شغلنا .
المهم تاخده و تطلع خارج الطابور و الأمواج المتلاطمة من الأجساد البشرية الموجودة ..
بس اتغلبنا على المشكلة دي أخيرا و الحمد لله ..
فيه ناس بتبهدل نفسها في الطابور ... و تطلع تبيع العيش بضعف الثمن . يعني الرغيف ب10 قوش بدل 5 .. فالواحد بـ"يشتري راحة باله" و يجيب منهم و خلاص ..
و لما بروح الاسكندرية برضه نفس النظام و أشد ..
ربنا يكرم البلد دي بقى ..
آه على فكرة .. مافيش أزمة عيش في مصر و انتهاء ظاهرة طابور العيش و الحالة تمام التمام :)
تحيتي
نورت المدونة يا جمعاوى ومبسوطة ان انت متابع وعلى فكرة انا مش دكتورة
timmy بجد نورت واكيد طبعا مفيش مشكلة ولا حاجةكلها 7 ساعات وتقدر تجيب عيش بسيطة
ولسه الازمه هتفضل موجوده
الله المستعان
وربنا ع الظالم
روعه الكلمات جدا جدا
ومعبره
دمتى بود
بسم الله باليمين دخلنا ..وخلينا الشمال بره لتكرشينا ..
مررنا عليكم مرور الكرام فأدهشنا البساطة والاختصار ..هى لغة العصر ..لآل الحاسوب... وجيله ولما كنت من هواة الشعر والزجل فقد قلت الله الله وكمان ازجال ماشى ياهمس الحنين احنا بقى" بنجعر" بالحنين لكل ماهو جميل وطيب فى هذه الدنيا ونصفر بالقوى لكل ماهو ردىء..حديث هو بلوجى ..وبدل فاقد هو تعريفه الواقعى ..فلنتشرف بزيارتكم ..ولتدخلوا بأى رجل تشاؤون
بسم الله
اولا سعيد جدا بالتعرف على مدونة حضرتك
واحنا لينا صديقة مدونة اسمها ياسمين رأفت :))
وبجد مدونتك جميلة وقريبة من القلب
تحياتى
احمد
حبيبتى همس الحنين ما شاء الله مدونة راااااااااااائعة
و فعلا دلوقى العيش بقى حاجة صعبة
و كمان ده من اقل حقوق لشعب
بس هنقول ايه
غير حسبنا الله و نعم الوكيل
و تحياااااااااتى
رمضان
كريم
طيب كويس أنها رجعت الساعة اتنين
في ناس بتقعد بالأسبوع هههههههه
مشكله الإسكندرية أنهم مش عملين موضوع الكارته زي بأقي المحافظات
فتلاقي الكوسه والمحاسيب في موضوع العيش
عندنا البوابين بيبيعوا 10 أرغفه بجنيه
يعني أنا دلوقتي بفكر اسيب شغلي وأشتغل في موضوع العيش زي البوابين هههههههههه
اسعدني تواجدي في مدونتك الجميله
مجنووون
ههههههههههههههه
ليا واحد صاحبي دايما بيقول من اراد ان تثكله امه وييتم اولادة وترمل زوجته
فليذهب الي طابور العيش وخصوصا المدعم
للاسف ان الشعب المصري من يوم ازمة العيش وهوة مش عارف يحلها ازاي
مهما فكر
لاننا بنفكر بطريقة سلبية انا اعرف في بعض الدول لو الازمة فضلت اكتر من اربعة وعشرين ساعة يبقي طاقم الادارة بيتغير
لكن هنقول اية خلينا واقفين نعيط
ونندب حظنا
مشكلتنا اننا بنشكو شدة الضعف امام اضعف شدة
تحياتي
علي فكرة المدونة حلوة
مستوي جميل
كبداية للتدوين وانشاء الله هكون متواجد في البلوج عليطول
لانه عجبني
احب استجل تحياتي كمان مرة واتمني تنوريني بزيارتك
وتعليقك في مدونتي المتواضعة
الصيدلي المطحون
صحيح كمان احب اسجل اعجابي باسم المدونة
همس الحنين
اسم بجد شدني اوي للمدونة وخلاني ادخلها لاول مرة
يارب دايما تكوني متالقة
تحياتي
ما شاء الله ياهمس .. كويس انها رجعت الساعة 2 .. الله المستعان .. ربنا يعدل الاحوال الى أحسن حال .. كنت كاتب موضوع اسمه " مشكلة العيش في مصر .. حكومة فاشلة فهل بدأ الشعب يستفيق !! في نفس الاطار برضه
الحكومة هتعمل إيه أكتر من كده فصلوا الإنتاج عن التوزيع والناس برده مش راضية
لازم يعني تأكلوا عيش كلوا كرواسون ولا بوطنساليه
العيش مش مهم أوي هي جت علي العيش هي العيشة كلها مش نافعة
مفيش حل مع الحكومة
وحسبنا الله ونعم الوكيل
والله حسبي الله ونعم الوكيل في الحكومة هي فعلا حومتنا كويسة ولا احنا اللي ظلمناها لالالالا احنا اكيد ظالمناها ومفتررين كمان طب هاقول ايه طيب
بوست جميل اهنيكي عليه
كل سنه وانتى طيبة
والله ياهمس انى فرحت قوى لما عرفت اشيله والفضل لأخينا أبو كسروله تمممممى ده الله يكرمه ..كأن كان فيه شوكه فى رجلى وشلتها ده حتى الشخابيط اللى دخلت بيها عندك كان فيها فى الآخر حرفين دى دى واستنيت يكون التالت تى عشان تبقى ددت المبيد الشهير ..دانا من فرحتى كتبت كام بيت حلمنتيشى لزوم الإزاله ورمى الكرسى اياه من فوق السطوح وشوفى ياستى
1 من الصفحة الرئيسية بتاعتك اللى فيها تعريفك حاتلاقى سطر كده فوق كله خيارات منهم setting..ومنها تختارى جزئية التعليقات أو comments ..ماشى
2 ضمن خيارات البلوجاويه فى الكوممنتس دى خيار اظهار تأكيد الكلمه..إذا كان بلوجك عربى او word varification ..إذا كنت من أهل الفرنجه
3 ولسعادتك الغامره حاتلاقى خيارين أو لمونتين كده واحده صفرا وبتقول ييس دى بقى بالشلوط ..وواحده خضرا بتقول نووو ودى بقى تعلمى عليها زى الاستفتاء الرئاسى بالضبط نووو نوو
4 حاتلاقى ابو كرسى ده ومعاه عدة النصب بتاعته فى الباى باى..وسشعرين بنفس لسعاده التى اشعر بها عند دخولى أى دكان ...الله يكرمك ياتمممى يابو أحلى كسروله متقلوظه عالأنفوخى>>>تعرف صاحب البلاليج ده لما حس انى باكتب طريقة شيل الكرسى خلانى أعيد التأكيد ده كام مره 7 مرات والله
واد سوداوى...لما كنت خلاص حاحلف له عالمصحف انه أنا هو أنا
ماشاء الله عليك حبيبتس بوست جميل ومدونه هايله زي صاحبتها تسلميلي على مرورك الكريم لمدونتي
وسعيده إني بزور مدونتك الرائعه
وحنا اثنين بيبيهات عالم التدوين يعني لسه جداد بكره نكبر ونتعلم ياقلبي
رمضان كريم
كل لحضه ونحن إلى الله أقرب
ثبتت الرؤيه وانزاح الكرسى وانا أهودخلت الدكان برجلى الاتنين من غير ميسألنى عن اسم ابويا وأمى ..حتى المكان بتاعه ممسوح ومرشوش مايه ..وبقى طراوه .. الواحد يقول سلاموعليكو يكتب طوالى ..من غير نبش فراخ..بس انا خايف منه ليعرف انى أنا السبب فى طلوعه معاش مبكر ..يمكن يكون خواجا؟ ومبيعرفشى عربى؟ ومش حايعرف انى السبب ..اصله بيعزنى قاااوى من يوم ماضيعت البلوج الأولانى
السلام عليكم
لديك رسالة من يتيم
على قلب ابيض
نتمنى منكم المشاهدة .. والنقد البناااء
تحياتى ..
غاليتي همس
واي حروف مـُخمليـّات العذوبه , تتهادى كالورود بين اغصان طروبه ..
في عناق العطر والورد الخجول ,
قد هفا القلب للقياها عجول ....
اول كلماتي لك اعجابا بهذا القلم النابض من الوجدان ..
اتمنى لك التوفيق
تقبلي مروري المتواضع ,
تحياتي مع كل الود
والتقدير ,,
مدونات ( نبض ودموع )
اختك haneen- alayam
إرسال تعليق